Sengstond

Am Montag, 4 Täg nach Gründung des neua Gsangverei

stellten sich 34 Männr zur ersta Sengstond ei.

Erste ond zwoide Tenör, selbiges em Bass - ja a jeda Stemm zählt,

dia han sich denkt – genau des isch´s was os jetzt fehlt.

Se hend sich aufgrafft ond send zamma

entschlossa ond frohen Mutes zom Senga ganga.

Recht schnell war ihne bestemmt klar,

dass des et bloß „Honigschlecka“ war.

S´isch scho a weng Arbat, lieabe Leit,

dau sott mr öfter na – denn älles braucht sei Zeit.

Gmerkt han se – des macht Spaß ond ma lernscht was - koi Frag,

des isch es, dau gascht na, ond zwar jeden Montag.

So send dia Jahr em Verei guat ond zufrieda verganga –

ond glaubat´s mir, wenn i et scho senga dät, dät i´s glei no afanga.

Vieles hat sich ereignet seit dr Gründungszeit –

oh mr kennt no so viel erzähla, lieabe Leit.

Viele Dirigendawechsl hat mr seither mitgmacht –

älle hend se de Sänger und später au Sängerinnen viel beibracht.

Und so gang au i end Sengstond jeda Woch jauhrei, jauhraus

ond freu mi auf dr Chor ond unsere Auftritt mit viel Aplaus.

Wieviel Sengstunda es seither warad - ma kanns nemme zähla,

abr i sag eich was – sichr dät jeda onzelna jedam fehla.

Ond was mr dau so erlebt hat - guggat gut na,

i fang von osr Chronik a weng zom erzäla a.

Ingrid Chodura